बघ नक्कीच...

भरल्या चुड्यासह उंबरा ओलांडशील..
स्वप्ने तुझी-माझी नकळत जुळतील.
अन माझ्या नशीबाच्या रेषा सये...
नकळतच तुझ्या हातांवर दिसतील...
बघ नक्कीच...

सये...त्यावेळच्या तुझ्या प्रत्येक
पावलांसोबत आपल्यातला एक एक बंध..
नकळतच घट्ट होत जाईल...
कदाचित...जन्मोजन्मासाठी..
बघ नक्कीच...

त्या तुझ्या केसातल्या मोग-याचा सुगंध..
त्याक्षणी सारं काही विसरुन टाकायला लावेल..
सगळं काही...सारी दुःख...तु नसताना सोबत...
पाहीलेली...अनुभवलेली...
ते काट्यासमान बोचरे क्षण...तुझ्याशिवायचे...
सारं काही मी विसरेन..
बघ नक्कीच....