Love Is Life

Love Is Life

Love Is Lifee

Love Is Life

Love Is Life

Love Is Life

Love Is Life

Love Is Life

Share

Share
Showing posts with label बॉलिवूडवर मराठी फीव्हर. Show all posts
Showing posts with label बॉलिवूडवर मराठी फीव्हर. Show all posts

Wednesday, June 20, 2012

बॉलिवूडवर मराठी फीव्हर.............

विद्या बालन मराठी स्टाइल आयटम साँगसाठी विशेष मेहनत घेतेय, राणी मुखजीर्ही तिच्या आगामी 'अय्या' सिनेमातून मराठी मुलगी साकारतेय. 'सिंघम'मधले मराठी डायलॉग आधीच गाजले आहेत. बॉलिवूडमधला मराठी टक्का वाढतोय...

...............

' आता माझी सटकलीय...' अजय देवगणच्या 'सिंघम' सिनेमातला हा डायलॉग तुफान लोकप्रिय झाला. या सिनेमातलाच 'आली रे आली, आता माझी बारी आली...' हा डागलॉगही असाच प्रसिद्ध झाला होता. असं काय वेगळं होतं या संवादांमध्ये? खास मराठी हेल काढत म्हटलेले हे संवाद महाराष्ट्रातल्या प्रेक्षकांना जवळचे वाटले. त्या निमित्ताने 'सिंघम' आपला वाटला. त्यातच हिंदी सिनेमात प्रथमच मराठी संवाद मोठ्या प्रमाणात वापरल्याने इतर राज्यातील प्रेक्षकराजालाही त्याचे नावीन्य वाटलं. बघायला गेलं तर पंजाबी, बिहारी संस्कृतीचं दर्शन पाच पैकी तीन सिनेमांमध्ये दिसतच होतं. पण; आता मराठीचा टक्का वाढलाय हे नक्की. अन् हा टक्का 'लक्षवेधी'ही ठरतोय.

' हेराफेरी'मध्ये परेश रावलने साकारलेला बाबूराव आपटे आठवतोय ना? 'ए मराठी माणूस जागा हो', असे म्हणत 'जय महाराष्ट्र' असे नारे लावणाऱ्या परेश रावलची ही भूमिका खूपच गाजली. अनेक कार्यक्रमांमध्ये, पिकनिकला गेलेल्या ग्रुपमध्ये एखादं कॅरेक्टर हमखास बाबूराव आपटेची खास झलक पेश करत आजही टाळ्या मिळवतोच.

अर्थात तसं बघायला गेलं, तर हिंदी सिनेमांमध्ये मराठी व्यक्तिरेखा असणं काही नवं नाही. पूवीर् अशा भूमिका फक्त नोकरवर्गांपर्यंत सीमित असत, पण आता त्याच्या कक्षा रुंदावतयात. 'कमिने'मधली प्रियंका 'गुड्डू कुठाय?' असा प्रश्न विचारतच एन्ट्री करते. 'रात के ढाई बजे...' गाण्यातलं तिचं खास नऊवारी नेसून बिनधास्त नाचणं सध्याच्या जनरेशनच्या मुलींचं प्रतिनिधित्व करत होतं. एकूणच काय, तर मोठ्या प्रमाणात एखाद्या भाषेचा वापर करुन त्या, त्या राज्यातून अधिक गल्ला जमवायचं हे गणित निर्मात्यांना आवडतं अन् यात आता हॉट फेव्हरिट आहे ती मराठी भाषा... आणि असा सिनेमा तयार करून मासेस व क्लासेसकडून वाहवा मिळवत 'रिअलॅस्टिक' सिनेमा केल्याचं समाधानही सिनेमाच्या टीमला मिळतं.

सध्या गरमागरम असलेल्या या मराठी तडक्याची जादू इनकॅश करण्यासाठी बॉलिवूडमधील प्रत्येक जण सरसावलाय. एखादी व्यक्तिरेखा नसेल, तर आयटमसाँगही चालतं. कतरिना कैफचं मराठी इस्टाइल 'चिकनी चमेली' हे आयटम साँग यातलाच एक प्रकार. बरं चिकनी चमेलीची जादू ओसरत नाही तोवर विद्या बालन मस्त लाल रंगाची नऊवारी घालून आगामी 'फेरारी की सवारी'मध्ये आयटम साँग करण्यासाठी सज्ज झालीय. मागे एकदा म. टाच्या कार्यालयाला भेट द्यायला आलेल्या विद्याने, 'मला मराठी बोलता येत नाही, पण कळतं...' एवढं बऱ्यापैकी मराठीत बोलून दाखवलं होतं. आज हीच विद्या साडेचार मिनिटांच्या आयटमसाँगसाठी खास मराठी लटके, झटके शिकून घेतेय. कारण? कारण फक्त एकच या निमित्ताने त्या, त्या भाषिकांच्या प्रेक्षकांचा अधिक जवळ जाता येतं.

यश चोप्रा, करण जोहर यांच्या सिनेमातून सातत्यानं होणारा पंजाबीचा भडीमार आता काहीसा कंटावाळाणाही वाटू लागला होता. म्हणूनच चोप्रांनीदेखील दोन वर्षांपूवीर् आलेल्या आपल्या प्रॉडक्शच्या 'लफंगे परिंदे' मधून पिंकी पालकर (दीपिका पडुकोण), नंदन कामठेकर उर्फ वनशॉट नंदू (नील नितीन मुकेश) या मुख्य मराठी व्यक्तिरेखा उभ्या केल्या होत्या. खासकरुन दीपिकाच्या मराठी संवादांमध्ये असलेली सफाई मराठी प्रेक्षकांना आवडली होती. हो, हा सिनेमा चालला नाही, त्यामागची कारणं वेगळी असतील. पण; म्हणून मराठी फीव्हर कमी झाला नाही. अनुराग कश्यप निमिर्त व सचिन कुंडलकर दिग्दशिर्त 'अय्या' सिनेमा, तर 'सिंघम'सारखाच बऱ्यापैकी मराठी संवादांची रेलचेल असलेला असेल. राणी मुखजीर् यात महाराष्ट्रीयन मुलीची भूमिका साकारतेय. विनोदी अंगाने जाणाऱ्या कथेतील मराठी मुलीच्या भूमिकेत फिट बसण्यासाठी राणी खूपच मेहनत घेतेय. यासाठी तिने अमृता सुभाषची मदत घेतलीय. कपडे, केशभूषा यांच्यावरही राणी विशेष मेहनत घेताना दिसतेय; जेणेकरुन फक्त संवादच नव्हे तर तिचा पेहराव व वावर यावरुनही तीचं मराठीपण दिसेल...

अर्थात हे सगळं भूमिकेच्या तयारीसाठी किंवा मराठी प्रेक्षकांना अधिकाधिक आपल्या 'प्रॉडक्ट'कडे खेचण्याचं गिमिक म्हणावं लागेल. पण; आपण ज्या राज्यात राहतो तिथली भाषा अवगत असावी म्हणून मिस्टर परफेक्शनिस्ट आमिर खानने खास मराठीची शिकवणी, सुरू केलीय ही बाब त्याहीपेक्षा खास आहे.

मराठी निमिर्तीतही बॉलीवूडकरांचा पुढाकार

गेल्यावषीर् आलेल्या 'ताऱ्यांचं बेट'नं एकता कपूर व शोभा कपूर यांनी मराठी चित्रपट निमिर्तीत पाऊल टाकलं. आता रितेश देशमुख, अक्षयकुमार ही बॉलिवूडमधील प्रस्थापित मंडळीही मराठी चित्रपट निमिर्तीत पाऊल ठेवत आहेत. अमिताभ बच्चन यांनीही 'विहिर' सिनेमाची निमिर्ती केली आहे. महेश मांजरेकरही त्याच्या 'शिक्षणाच्या आयचा घो' या सिनेमाचा हिंदी रिमेक करण्याच्या विचारात आहे.